Khuli jo aaNkh to woh tha na woh zamaanaa thaa

Dahakati aag thi, tanhaayii thi, fasaanaa thaa

GhamoN ne baaNT liyaa hai mujhe yuN aapas meiN

K jaise maiN koii looTaa huaa Khazaanaa thaa

Ye kya K chand hi qadmoN pe thak ke baiTh gaye

TumheiN to saath mera door tak nibhaanaa thaa

Mujhe jo mere lahuu meiN Dubo ke guzaraa hai

Woh koi Ghair nahiiN! yaar ek puraanaa thaa

Khud apne haath se ‘Shahzad’ us ko kaaT diyaa

K jis daraKht kii Tahnii pe aashiyaanaa thaa

ISSB