Us ne bekaar ye behroop banaayaa huaa hai

Ham ne jadu ka ik aa’eena lagayaa huaa hai

Do jagah rehte haiN hum, aik to ye shehr-e-malaal

Aik wo shehr jo KhaboN meN basaayaa huaa hai

Raat aur itni musalsal, kisi deevaane ne

Subh roki hui hai, chaand churaayaa huaa hai

Ishq se bhi kisi din ma’raka faisal ho jaaye

Us ne muddat se bahut hashr uThaayaa huaa hai

LaGhzisheN kaun sanbhaale K muhabbat meN yahaaN

Hum ne pehle hi bahut bojh uThaayaa huaa hai

Baano-e-shehr, hameN tujh se nadaamat hai bahut

Aik dil hai so kisi aur pe aayaa huaa hai!!!

ISSB