تُو نے اذنِ سفر دیا ہوتا
تُو نے اذنِ سفر دیا ہوتا
قافلہ چاند پر گیا ہوتا
میں اگر شاعری نہیں کرتا
اتنی وحشت تھی مر گیا ہوتا
شاخ پر آئینے سجے ہوتے
پھول رنگوں پہ مر مِٹا ہوتا
ایک دیوار گر گئی ہوتی
ایک جیون سنور گیا ہوتا
گویا کچھ بھی نہیں ہوا مجھ سے
ورنہ کچھ تو اثر ہوا ہوتا
اِک توانا غزل کہی ہوتی
ایک دل تک سفر کیا ہوت
ا تُو محبت گُنہ سمجھتا ہے
تجھ پہ توبہ کا دَر کَھلا ہوتا
Comments
Post a Comment