جنــــابِ علـی ارمـؔـان
سنگ زن ساری خدائی ہے 'خدا جانتا ھـے
ہم نے کس طرح نبھائی ہے 'خدا جانتا ھـے
یہ جو مصرع میں چمکتا ہے نمک آنسوؤں کا
زندگــی بھر کی کـمائـی ہے' خدا جانتا ھــے
شورِکم ظرف سے سہمے ہوئے سنّاٹے میں
کس طرح بـات بنـائـی ھــے' خدا جانتـا ھـے
دشت میں نام کمانا نہیں آسان میاں!
عمر بھر خاک اڑائی ہے' خدا جانتا ہے
کسی منزل پہ پہنچنے نہیں دیتی جو مجھے
لذّت ِ آبلہ پائی ہے' خدا جانتا ہے
یہ جو ہے حلقہءِ درویشاں میں عزّت صاحب!
رقص کر کر کے کمائی ہے خدا جانتا ہے
اک پیار کا نغمہ ھے ، موجوں کی روانی ھے
اک پیار کا نغمہ ھے ، موجوں کی روانی ھے زندگی اور کچھ بھی نہیں ، تیری میری کہانی ھے کچھ پا کر کھونا ھے ، کچھ کھو کر پانا ھے جیون کا مطلب تو ، آنا اور جانا ھے دو پل کے جیون سے ، اک عمر چرانی ھے زندگی اور کچھ بھی نہیں ، تیری میری کہانی ھے تو دھار ہے ندیا کی ، میں تیرا کنارا ھوں تو میرا سہارا ھے ، میں تیرا سہارا ھوں آنکھوں میں سمندر ھے ، آشاؤں کا پانی ھے زندگی اور کچھ بھی نہیں ، تیری میری کہانی ھے طوفان تو آنا ھے ، آ کر چلے جانا ھے بادل ھے یہ کچھ پَل کا ، چھا کر ڈھل جانا ھے پرچھائیاں رہ جاتیں ، رہ جاتی نشانی ھے زندگی اور کچھ بھی نہیں ، تیری میری کہانی ھے جو دل کو تسلی دے، وہ ساز اٹھا لاؤ دم گُھٹنے سے پہلے ھی ، آواز اٹھا لاؤ خوشیوں کا ترنم ھے ، اشکوں کی زبانی ھے زندگی اور کچھ بھی نہیں، تیری میری کہانی ھے "سنتوش آنند"
Comments
Post a Comment