پردیسی لوگ

پردیسی لوگ
ضرورت یا آسائش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک دوست انگلینڈ سے واپس پاکستان آرہے تھے، جہاز میں جو مسافر ساتھ بیٹھا تھا وہ انگلینڈ میں ہی مقیم تھے۔۔۔۔۔۔
جبکہ ان کے بیوی بچے والدیں سب پاکستان میں موجود تھے۔۔۔۔۔۔۔
ان کی واپسی چھ سال بعد ہورہی تھی یعنی چھ سال کی تنہا زندگی گزارنے کے بعد وہ ملک واپس جارہے تھے۔۔۔۔۔۔۔
چہرے پر خوشی تو تھی لیکن ایک عجیب سی کسک بھی تھی۔۔۔۔۔۔
جب کچھ باتیں کُھلیں تو پتہ چلا کہ یہ گذشتہ چار سال سے گھر والوں سے ملنے جانا چاہ رہے تھے لیکن کبھی کوئی مسئلہ کبھی کوئی مسئلہ۔۔۔۔۔
کبھی کوئی فرمائش کبھی کوئی فرمائش۔۔۔۔۔۔۔۔۔
کبھی کوئی مطالبہ اور کبھی کوئی مالی ضرورت۔۔۔۔۔۔
اور ان کی واپسی کا پروگرام موخر ہوتے ہوتے چار سال کی دیری کا شکار ہوگیا۔۔۔۔۔۔۔
انسانی عمر میں چھ سال کا اندازہ لگائیں کہ کتنا بڑا عرصہ ہے۔۔۔۔۔۔۔
بچے چھ سال بڑے ہوگئے گویا باپ اور بچوں کے درمیان چھ سال کی خلیج آگئی۔۔۔۔۔۔
بیوی چھ سال کی راہ تکتے تکتے اپنی زندگی کے چھ حسین سال کھو بیٹھی اور ماں باپ مزید چھ سال بوڑھے ہوگئے۔۔۔۔۔۔
اوریہی کسک ان صاحب کے چہرے پرنمایاں تھی۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو لوگ باہرہیں وہ یہ پختہ فیصلہ کریں کہ جب ملنے جانا ہے تو ضرور جانا ہے۔۔۔۔۔۔۔
پاکستان میں جولوگ ہیں وہ ضروریات سے بڑھاتے بڑھاتے آسائشوں کو بھی اپنی ضرورت بنانا شروع کردیتے ہیں۔۔۔۔۔
اور خواہشات بادشاہ کی بھی پوری نہیں ہوا کرتیں۔۔۔۔۔۔۔۔۔
سب سے پہلے گھر کے خرچ میں ضرورت اور آسائش کا تعین ضرور کرلیں۔۔۔۔۔۔
اگر آسائشیں ضرورت کا مقام حاصل کرتی رہیں تو گھر کا خرچ کبھی پورا نہیں ہوسکتا۔۔۔۔۔۔۔
اور آپ کی واپسی کا راستہ لمبا ہوتا جائے گا۔۔۔۔۔۔۔۔
آپ کو اچھے طریقے سے اور احسن انداز میں ان فرمائشوں کے سلسلے کو روکنا پڑے گا۔۔۔۔۔۔۔۔
اگر آپ اپنی زندگی کا حُسن چاہتے ہیں تو کچھ نرم انکار کے کڑوے گھونٹ گھر والوں کو حکمت سے پلانے پڑیں گے۔۔۔۔۔۔۔
اگر آپ کی واپسی کا سفر لمبا ہوتا گیا تو پیچھے والوں میں اجنبی بنتے جائیں گے خاص طور پر اولاد اور آپ کے درمیان تکلف کی خلیج آتی جائے گی اور وہ آپ کو ایک بینک بیلنس سے زیادہ اہمیت نہ دے پائیں گے۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہی معاملہ ہر کمانے والے کو دیکھنا چاہیے کہ گھر کے خرچے میں کہیں آسائشیں اور خواہشات، ضرورت کا درجہ تو حاصل نہیں کرتی جارہیں؟؟؟
اگر ایسا ہے تو آپ کا ہاتھ تنگ ہی رہے گا، وسائل محدود ہی لگیں گے اور آمدنی بڑھانے کےچکر میں آپ مزید کولہو کا بیل بنتے جائیں گے۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بس دو کام کریں ،ایک گھر والوں کی فرمائشیں محدود رکھیں، ہر فرمائش پوری کرنا ان کی عادتیں بگاڑ دے گا۔۔۔۔۔
اور جب آپ کسی مجبوری کی وجہ سے پوری نہ کرسکیں گے تو آپ کو شدید ردِ عمل دیکھنے کو ملے گا۔۔۔۔۔۔۔۔
اور دوسرے خرچ کو آمدنی کے تابع رکھنا سیکھیں۔۔۔۔۔۔۔۔۔۔۔
زندگی کو زندگی کی طرح گزاریں بیگار کی طرح نہیں۔۔۔۔۔۔۔